Association sportive G976 нь 2024 оны 6 сарын 1-ний өдөр албан ёсоор байгуулагдсан спортын нийгэмлэг юм.

Манай холбоо нь Швейцар улсын Женев хот болон ойр орчмын бүсэд амьдарч буй Монгол болон гадаадын бүх үндэстний хүүхэд, залуучууд, бүх насны хүмүүст зориулан спортын олон төрлийн үйл ажиллагаа, сургалт, тэмцээн уралдааныг тогтмол зохион байгуулж ажилладаг.

Бид волейбол, сагсан бөмбөг, иога, нийтийн гүйлт зэрэг спортын төрлөөр дамжуулан хүмүүсийг идэвхтэй хөдөлгөөн, эрүүл амьдралын хэв маягт уриалж, багаар ажиллах, эв нэгдэл, хариуцлагатай иргэн болгон төлөвшүүлэхийг зорьж байна.